Barcelona ayaa si qurux badan ugu soo laabatay garoonka Spotify Camp Nou Sabtidii, iyagoo 4-0 kaga badiyay Athletic Club. Robert Lewandowski, Ferran Torres (2 x) iyo Fermin Lopez ayaa goolasha u dhaliyay kooxda Catalans, kuwaasoo ku soo laabtay hogaanka horyaalka La Liga.
Sida laga soo xigtay Diario AS, tababaraha kooxda Hansi Flick ayaa ka falceliyay ciyaarta, isagoo muujiyay sida uu ugu faraxsan yahay qaab ciyaareedka kooxdiisa Barcelona.
Flick ayaa sidoo kale wuxuu cadeeyay xaaladda Alejandro Balde, kaasoo lagu qasbay inuu garoonka ka baxo qeybtii hore ee ciyaarta sababo la xiriira dhaawac madaxa ah.
Flick ayaa sidoo kale si qurux badan uga hadlay Eric Garcia, kaasoo ahaa ciyaaryahan caan ah oo ka tirsan Barcelona khadka dhexe, halkaas oo ay ka maqnaayeen ciyaartoyda sida Pedro iyo Frenkie de Jong.
“Tababar ahaan waa wax cajiib ah in ciyaaryahan isaga oo kale ah la joogo. Toddobaadka oo dhan waxaan kula tababaranay isaga booskaas iyo sidoo kale Gerard. Araújo wuxuu ka yimid safar dheer. Waxay ii caddaatay in Eric uu ka ciyaari karo booskaas. Aad ayaan ugu faraxsanahay heerka uu muujinayo.”
